Cicero, Epistulae ad Familiares (XML Header) [genre: prose; letters] [word count] [lemma count] [Cic. Fam.]. | ||
<<Cic. Fam. 6.13.1 | Cic. Fam. 6.13.4 (English) | >>Cic. Fam. 6.13.5 |
6.13.2
primum igitur scribam , quod intellego et perspicio , non fore in te Caesarem duriorem ; nam et res eum cotidie et dies et opinio hominum et ut mihi videtur , etiam sua natura mitiorem facit ; idque cum de reliquis sentio tum de te etiam audio ex familiarissimis eius . quibus ego ex eo tempore , quo primum ex Africa nuntius venit , supplicare una
cum fratribus tuis non destiti ; quorum quidem et virtute et pietate et amor in te singularis et adsidua et perpetua cura salutis tuae tantum proficit , ut nihil sit , quod non ipsum Caesarem tributurum existimem .
6.13.3
sed , si tardius fit quam
volumus , magnis occupationibus eius , a quo omnia petuntur , aditus ad eum difficiliores fuerunt , et simul Africanae causae iratior diutius velle videtur eos habere sollicitos , a quibus se putat diuturnioribus esse molestiis conflictatum . sed hoc ipsum intellegimus eum cotidie remissius et placatius ferre . qua re mihi crede et memoriae manda me tibi
id adfirmasse , te in istis molestiis diutius non futurum .
quoniam quid sentirem exposui , quid velim tua causa
re potius declarabo quam oratione . si tantum possem quantum in ea re p ., de qua ita sum meritus ut tu existimas , posse debebam , ne tu quidem in istis incommodis esses ; eadem enim causa opes meas fregit quae tuam salutem in discrimen adduxit . sed tamen , quicquid imago veteris meae dignitatis , quicquid reliquiae gratiae valebunt , studium , consilium , opera , gratia , fides mea nullo loco deerit tuis is optimis fratribus .
6.13.4
Cicero, Epistulae ad Familiares (XML Header) [genre: prose; letters] [word count] [lemma count] [Cic. Fam.]. | ||
<<Cic. Fam. 6.13.1 | Cic. Fam. 6.13.4 (English) | >>Cic. Fam. 6.13.5 |